Hemserekê Merkezî yê Kulturê Koçgirî yê Ewropa Sîyabent Şahîn û Endamê Merkezî yê Kulturê Koçgirî yê Ewropa Şevket Doganî derheqê referandûmî de qisey kerdî û veng dayî heme kesan ke şêrî sindoqan ser û vajî nê.
Şahînî vist vîrî ke Hikûmeta AKP seba bîyayîş û domnayîşê xo her çî kena û wina va: “Azadî yena astengkerdiş. 1919-21 ra nata çi bedilîya? Çîyê ke o wext bîyî, nika zî yenê kerdiş. Hedefê hukmatî çinkerdişê Sûr, Cizîr, Şirnex, elewî, musluman û êzidîyan o. Cok ra ganî ma biwerzî payan ser û vajî nê nê nê. Neheqîyê dewleta tirk û AKPyî nînê vîrîkerdiş. Çinbîyayîş qederê ma nîyo. Ganî ma Ewropa û Tirkîya de wayîrê sindoqan bivejyî û şêrî rayanê xo bixebetnî.“