Pêroyîya dinya de her roj bi desan cinî hetê camêrdan yenê kiştiş û bi seyanê ci zî raştê şîdetî yenê. La heto bîn ra, vera şîdetî her ke şino cinî bi rêxistinbîyayîşî pawitişê xo kenê. Nê cayan ra jew zî Bangladeş o.
Cinîyê Bangladeşî vera şîdet û tacîzê zayendî xo perwerde û tenzîm kenê. Cinî yê ke unîversîteya Dakkayî de vera tacîz û şîdetê perwerdeyê teknîkê xopawitişî gênê.
‘Seba heme Tonuyan perwerde’
Tugaya Prîtîlata (Pritilata Brigade) ke newe ronîyayo, verê Abîdeyê Raju de seba cinî cinîyan perwerdeyê tekvando da. Perwerde qetilkerdişê wendekara kolejî Sohagîn Jahan Tonu ra dima, bi şîarê ‘Seba heme Tonuyan perwerde’ destpa kerd.
Sereka Sendîkayê Wendekaran yê Bangladeşî Lucky Akter ke perwerdeyî rêxistin kerde, da zanayîş ke roja ewil 17 cinî beşdarî perwerde bîyê. Luckye qiseykerdişê xo de aşkere kerd ke, ê nêeşkenê hukmat û meclîsî ra pawitişî biwazê.
BANGLADEŞ