Endamanê Meclîsê Cinîyanê Partîya Demokratîke ya Şaran (HDP) yê Dêrsimî bi wesîleya menga Mûharremî Rasteyê Seyîd Rizayî de aşûre vila kerd. Xeylî sîyasetmedar û hemwelatijî tewrê vilakerdişê aşûre bîyî.
Parlamenterê HDPyî yê Stenbolî Alî Kenanoglûyo ke aktîvîte de qisey kerd, wina va: “Çîyo ke Kerbela de bîyo, Kerbela xoverdayîşê vera zulmî de yo. Kerbela de di nameyî bîyî sembol. Hz. Huseyîn û Yezîd. Cayo ke Yezîdî estê de vera înan de Huseyînî zî vejîyenê. Ma zî hewl danê ke tewirê Huseyînî ramojnê.”
Kenanoglûyî dewamê qiseykerdişê xo de vist vîrî ke serrgêra derbeya 12ê Êlule ya û wina va: “Înan ke na derbe kerde ê zî Yezîd ê û yê ke vera înan de xover danê Huseyîn ê. Nika yewna derba esta û vera derbeyan û zulman de xoverdayîşê ma do dewam bikero.” Dimayê qiseykerdişan bi dûayanê Ana Menşûre Dogane loqmeyê aşûre ame parekerdene.
DÊRSIM