FADIL DONMA / ANF/HÎLDESHEÎM
Bajarê Hîldesheîmî yê Almanya de rayberîya Komunê Şehîde Meryeme de çarçewaya hemleya ‘Seba azadîye û bedilnayîşî ti zî biwerzîye payan ser” de seba 2 rojan standê melumatdayîşî yê ame akerdene.
Kurdê ke Hîldesheîm û der û dorê ci de ciwîyenê, tewrê çalakîya standê melumatdayîşî ya ke vernîya Dêrê Jokobî de ameye viraştene, bîyî. Çalakîye de broşurê ke hetê TJK-E ra ameyî amadekerdene, hem ameyî wendene hem zî ameyî vilakerdene. Vernî û di kiştê çadira standî de pankartî ameyî aliqnayene û çadire pê flamayanê TJK-E ameye xemilnayene.