Kuçukkeleşe qiseykerdişê xo de qala cigêrayîşanê xo zî kerde û wina va: “Mi şîna 2 nuqtayan de cigêrayîş bikera. Dewijî seba ke komîsyon erey şîbî, gerre kerdî. Xeylê cayanê Kurdistanî de şewatî vejîyayî, labelê yê Dêrsimî saya refleksê şarî de merdî. Cinîyêka dewa Halvorî va ‘wexto ke ma şewat mirênayêne, topa hewanî erzîyaye kişta ma. Ha daristan veşa ha ma merdî, eynî yo’. Wextê 1938î de cinîyî seba ke raştê tecawizî nêrî xo kaş û zinaran ra eştbîy. Yê ke şewatî mirênayî zî ê cinîyî bîy. Yê ke huye, qazme û tirmixê xo girewt, mergî girewt xo çim û seba mirênayîşê adirî kewtî rayîr. Ma xeylê qalekolan dî, zaf qeleyî ameyî rijnayîş, labelê merdimîye nêrijîyaye.”