Konseyê Cinîyan yê Meclîsê Herêma Şehba merkezo ke herêma Şehba de akerdbî ser ro faalîyetanê xo domneno. Konsey bi dewreyê perwerdeyî ke seba cinîyan do bêrî akerdiş, hedef keno ke cinîyan hîna zaf beşdarê xebatê komelkî, leşkerî û sîyasî bikero. Konseyo ke seba beşdarîkerdişî cinîyan yê xebatê weşîye dewreya perwerdeyî dabî destpêkerdiş, nika zî seba cinîyê ke wendiş û nuştişê înan çin o, kursê wendiş û nuştişî akerd. Reyna netîceyê kursê deştişî ke çarçeweya Akademîya Şehîd Ezîzî de amebî akerdiş de zaf hûmarî de cinîyî beşdarê xebatanê ekonomî bîyî. Endama Îdareyî yê Konseyê Cinîyan yê Meclîsê Herêma Şehba Rihab Ciboye va înan dewreyê perwerdeyî ke herêmanê Kefer Naya, Kefer Nasih, Ehrez û Til Rifet de akerdî, hedef kenî ke cinîyan bi hawayo qewetin beşdarê cuye bikerî.”
ANHA / EFRÎN