Rayberîya Tevgerê Cinîyê Azadan (TJA) û Meclîsê Cinîyan yê HDPyî de do 11ê Teşrîna peyêne de Rasteyê Îstasyonî yê Amedî de mîtîngêk bêro viraştiş. Mîtînga ke DBP û KCD zî destek bidî ci, do bi sloganê ‘Do tecrîd vînî bikero, azadî qezenç bikero’ bivirazîyo.
Babete ser o cinîyî qisey kerdî û bale antî muhîmîya mîtînge ser. Hemverfeka Delegeyanê Amedî yê KCDyî Zulal Bîlgîne dîyar kerde ke na mîtînge bi seba azadîya Ocalanî yena viraştiş û wina dewam kerde: “Amancê ma o yo ke ma tecrîdo ke ser Ocalanî de yeno meşnayîş wedarnî. Wa heme şarê Amedî beşdarê mîtînge bibî. Ganî cinîyî vengê xo berz bikerî. ”
Hemsereka HDPyî ya qezaya Rezanî Hatîce Makasî zî va ‘ma na mîtînge seba azadî û wedarnayîşê tecrîdî virazenî’ û wina dewam kerde: “Do na mîtînge bibo mîtînga azadîye. Tecrîdo ke Ocalanî ser de yeno meşnayîş, ser herkesî de yeno meşnayîş. Ganî tecrîd bi hawayo bigîrîyo dest. Ma pawe yî ke cinîyî bi hawayo hîra beşdarê mîtînge bibî.”
Wa cinîyî bi tîlîlîyan beşdar bibî
Welatîye Emîne Koşare zî wina va: “Wa herkes biwerzîyo payan ser û beşdarê mîtînge bibo.” Roza Kahramane zî dîyar kerde ke wa heme cinîyî bi tîlîlîyanê xo beşdarê mîtînge bibî.
ANF/AMED