Tevgerê Cinîyanê Azadan verê cû kampanyaya ‘Seba azadî û bedilîyayîşî ti zî werzîye payan ser’ dabî destpêkerdene û cinîyî no het de xebatanê xo domnenî. Cinîyî çarçewaya kampanya de dewa Huskûtî ya Hezo yê Êlihî de Festîvala Danûkan viraşte.
Hemsereka Şaredarîya Êlihî Songul Korkmaze, aktîvîstê Tevgerê Cinîyanê Azadan, Dayîkê Aştîye û xeylê cinîyî bînî beşdarê festîvale bîyî. Badê ke qazikî ameyî ronayene, danûkî erzîyayî mîyan û ame potene. Hemsereka Şaredarîya Êlihî Korkmaze dewijan silam kerde û bale ante muhîmîya domnayîşê Kulturê Kurdan ser.
Badê ke danûkî virazîyayî, cinîyan da beşdarvanan. Dima ra Grûba Erbaneyî ya Merkezê Kulturî yê Baharî deyîrî vatî û cinîyan govende girewte. Festîvale bi vatişê kilamanê dengbêjan qedîyaye.
JINNEWS / ÊLIH