Qezaya Sûrî ya Amedî de hema zî 4 taxan de rijnayîş dewam keno û ebluqayo ke yew serrî ra zêde yo ke domîyeno ver zafaneyê esnafan îflas kerdo. Dikanê zafane esnafan taxrîb bîyo û karê esnafan zî ameyo duştê vindetişî. Kampanyayê ke seba qeza ameyî destpêkerdiş ra dima esnafî hewl dayî xo tay kom bikerî, la na rey zî qayûm ame tayîn kerdiş.
Tayînkerdişê qayûmî ra dima ame îdîakerdiş ke do qayûm esnafê ke dormeyê Camîyê Hz. Suleymanî de manenî, dezgeyê hemînan wedarno. Bi serran o zaf hûmarî de esnafê cinîyî tîya de manenî û nika nê esnafî vînîkerdişê dezgeyê xo reyde rî bi rî yî.
Esnafa cinî Guneş Yilmaze ke bi viraştiş û rotişê goreyan 7 domananê xo ewnîyena, va ‘esnafî bi vînîkerdişê karê xo rî bi rî yî’ û wina domnaye: “Ma cinîyî tîya de paweyê piştîdayîşî bî, la ê wazenî ma bierşawî keye. Ma rojane 10-20 TL pere qezenc kenî û şonî keyeyê xo. No zî ma rê zaf vînenî. Eke qayûm tîya biqefelno zî ma do xo rê yewna ca bivînî. “
ŞÛJIN /AMED