“Bêrîtane zî sey Besê û Zerîfeyan îxanet qebul nêkerde û xo zinaran ra eşte war. Bêrîtane xeylê erjî awan kerdî û ewro cinîyî erjê ke Bêrîtane awan kerdî, pawenî û ma do xeta Bêrîtane de serbikewî.”
Gerîlaya cinîye Gulnaz Karataşe (Bêrîtane) 25ê teşrîna verêna 1992î de vera îxanetê pêşmergeyanê PDKyî de xo kaşan ra eştbî war û ewro serrgêra 26. ya şehadetê aye yo. Gerîlayê YJA Starî derheqê serrgêra şehadetê Bêrîtane de qisey kerdî û dîyar kerdî ke Bêrîtane sembol û xeta artêşa cinîyan û Tevgerê Azadîya Cinîyan a.
Gerîla Dîcle Ruhate daye zanayene ke 25ê teşrîna verêne seba cinîyan rojêka muhîme ya û wina va: “Çimkî bingeyê artêşa cinîyan ewro ame eştene. Tarîxê têkoşînê ma de embaze Bêrîtane xete û sembole artêş û Tevgerê Azadîya Cinîyan a. Ma ewro cinîya ke artêşe awan kena reyde ver bi azadîye şonî. Ganî ma sey Bêrîtane cuye ra hes bikerî. Amancê mi o yo ke ez sey Bêrîtane xo aver bîşêra û şer bikera. Ma do sey Bêrîtane şer bikerî û azade bibî.”
Gerîlaya YJA Starî Sorxwîn Kandîle zî va ‘Bêrîtane xeta ma ya azadîye ya’ û wina dewam kerde: “Bêrîtane şerê Başûrî de vera îxanet û hemkarîye de têkoşînê ma pawit û nîşan daye ke azadîye nîna teslîm girewtene. Çalakîya aye tena vera dişmenî de nê, vera yê ke teslîmîyetî dayêne ferzkerdene de zî cewab bîye. Bêrîtane îxanet qebul nêkerde û xoverdakarîya cinîye nîşan daye.”
‘Ma do şer bikerî û qezenç bikerî’
Kandîle va ‘senî ke Bêsê û Zerîfeyan Dêrsim de seba ke nêkewî destê dişmenî, xo zinaran ra eştî war, Bêrîtane zî o qayde îxanet qebul nêkerde û xo eşte war’ û wina qedênaye: “Bêrîtane bi no qeyde xoverdakarîya cinîye yewna rey nîşan daye. Bi hezaran kesê ke pey Bêrîtane ra şonî, xeta aye de şer kenî û têkoşîn danî. Ma do seba azadîya Rayberîye û cinîyan şer bikerî û qezenç bikerî.”
ANF/ BEHDİNAN