Bado weçînîyayîşê 7’ê Hezîrane de Hukimatê AKP û dewlet, 10 Hezirane de hemverê HDP û kese ke hetkarî dano HDPe serr qetlîam viraşt. Amedî de JÎTEM, HizbulKontra û çeteyî DAIŞ kurdan re herîş kerd. bado no zî ciwanê SDGFe ke waşt 20 Temmuze de bişerê Kobanê û hetkarî bidî, no înşakerdişê ser hetkarîyê MÎTe û çeteyê DAIŞe pîya qetlîamek viraşt.No qetlîame de 31 ciwane SDGFî cuyayişê xo vinî kerd.
Serekkomarî Tirkîyaye Recep Tayîp Erdogan seba ke no qetlîam û polîtikayê lêminî nimite bimane û medyayî xo ra zey ke no çiyan nêbîyo bero vînayiş ser Çapemenîya Azad sansur kerd. 24-25 Temmuze de Kurdistano Vakur de birnayişê înternet viraziya. No birnayişan de waştî ke wa çew nezano ke Kurdistanê de se beno se nêbeno. Hukimatê AKP ser kurdan operasyonê qirkerdişan viraşt, Heremê Pawitişî ya Medyayî de ser gerîllayan bombebayan verna, şare kurd ra zî herîş kerd û waşt ke no herîşan wa çew nêzano.
Seba teşhîrkerdişê polîtîkayê lêmini yê Hukimetê AKP û Serekkomarê Tirkîyaye Recep Tayîp Erdogan a pawitişa Qesrî ser şer dabi destpêkerdiş no ser zî Çapemenîya Azad zî xeberan viraştbî û no polîtîkayê lêminî teşhir kerdbi.
Demê peynî de înternet bi koke yeno birnayiş. Semedî no birnayiş cuya yo, semedî no bîrnayişan polîtîkayê lêminî yê hukimetê AKP û Serekkomarê Tirkîyaye Recep Tayîp Erdogane ke ame deşifre kerdiş wazeno ke asteng bikerî. Semedê bin zî esto ey semed zî merdim eşkenê bi çend nuqtayan bivajo;
1- Kurdistano Vakûr seba ke şaran xoserîya xo îlan kerd û no ser hukimet zî qetlîaman viraşt, no ser xeberan nêro viraştiş û nêro serwiskerdiş, semedî no zî astengî vejyeno.
2- Hemvere PKK şer dabi destpêkerdiş de lejker û polesî ke yeno kiştiş nimite bikere, rayê peroyî de nêro vînayîş.
3- Qetlîameko gird ser şare yeno viraştiş û nê wazeno ke rayê peroyî de bero vînayîş.
4- Kontrolaêxo ser her çike de viraştiş. hakîmiyeta xo ser şaran de viraştiş.
No nuqteyan zî aşkera keno ke Hukimatê AKP û Serekkomarê Tirkîyaye Recep Tayîp Erdogan nêwazeno ke şaran raştîyan biveno û no ser sansur û bîrnayişe înternet keno, no zî zaf teluke yo. Hukimet çi zî bikero nêşkeno raştiyan şaran de nimite bikero.