Gerîlayê HPG û YJA Starî vera çeteyanê DAIŞî ke hêrişê Mexmur, Kerkûk û tewr peynî zî hêrişê Şengal kerdî de têkoşînêko gird daybî û şarê herême ser de tesîrêko gird viraştbî. Cok ra beşdarbîyayîşê ciwananê Başûrê Kurdistanî her ke şono zêde beno.
Nînan ra yewe zî gerîla Dijwar Qendîlo ke bajarê Ranya de ameyo dinya û dima ra beşdarê gerîla bîyo yo.
Ciwanî terkî cuyêka sexte benî
Qendîlî va ‘sîstemê kapîtalîstî ciwananê Başûrê Kurdistanî ser de tesîrêko kûr kerdo/keno’ û wina va: “Hedefo sifteyîn yê sîstemî de cinî û ciwanî estî. Ciwanî terkî cuyêka kof û sexte yenî kerdiş.”
Ez seba domnayîşî tewr bîya
Qendîlî dewamê qiseykerdişê xo de va ‘şarê Başûrî têkoşînê HPG û YJA Starî ra zaf tesîr bîyî û bitaybetî ciwanî beşdarê gerîla benî’ û wina dewam kerd: “Mi verê cû PKKyî baş nêşinasnayêne. Labelê badê ke gerîlayê PKKyî vera DAIŞî de têkoşînêko gird nîşan dayî, bi seyan ciwanî nê têkoşînî ra tesîr bîyî û beşdarê gerîla bîyî. Nînan ra yewe zî embazê mi bî û bi hawayo qehremanî şer kerd û şehîd kewt. Ez şehadetê ci ra dima seba ke doza ma bidomna, beşdarê gerîla bîya.”
Mi tîya de erjanê xo şinasna
Qendîlî qiseykerdişê xo de wina va: “Çîyêko tewr zaf mi ser de tesîr kerd, têkoşînê gerîla yê vera zehmetîyan de bî. Embazîya gerîlayan de rêzgirewtiş û heskerdiş estbîy. Mîyanê nînan ra yê ke tewr zaf bala mi ant, têkoşînê cinîyan bî. Başûr de nizdîbîyayîşê camêrdî yê cinîye zaf cîya yo; cinîye muameleyo keso dîyin û hîrêyin de ya. La tîya de tam çepê ci yo; cinîye rayberîya şerî kena. Mi perwerdeyan ra dima tarîx û erjê xo tîya de şinasna. Kurdistan de yewîya neteweyî zaf muhîm a. Ganî şarê Başûr û bitaybetî ciwanî polîtîkayanê lêminan yê sîstemê kapîtalîstî û hêzê ke dişmenîya kurdan kenî, bivînî. Cok ra ganî ciwanê Başûrî beşdarê PKKyî bibî.”
ANF/BEHDÎNAN