Çalakîya Rayîrşîyayîşo Derg ke do 2ê Êlule de Dortmund dest pêbikero, do heta 7ê Êlule de bajarê Dusseldorfî de biqedîyo. Çalakîye bi siloganê ‘Vera faşîzmî de sere wedarne, Rayber Apoyî azad bikere’ yena viraştene. Babete ser o Koordînasyonê Ciwananê Azade îzehetêko nuştekî da.
Koordînasyonî bale ant ser şero ke hertim erdê Rojhelato Mîyanên de yeno viraştene ser û wina vato: “Bi paradîgmaya ke Rayberê Şarê Kurdî Abdullah Ocalanî aver berdo, no şer bedilîyayo û herême de denge û îttîfaqî zî xira bîyî.”
Koordînasyonî dewamê îzehetê xo de wina vato: “Tecrîdo ke Rayberîya ma ser o yeno domnayene, ti nimuneyê ci dinya de çin o. Fek şarî reyde têkilîye ronayîşî ra verabide, destûr nêdîyeno ke Rayberîya ma tena yew kesî reyde daxî têkilî rono. Reyna destûr nêdîyeno ke avûkatî şêrî hetê ci. Şertê ke merdimî nêşênî tede hilme bigîrî de Rayberîya ma xover dano.”
2ê Êlule de dest pêkena
Koordînasyonî peynîya îzehetê xo de wina vato: “Çalakîye do 2ê Êlule de bajarê Dortmundî yê Almanya de bêro dest pêkerdene. Na çalakîye do vajo ‘Sere Wedarne’ û ma bawer kenî ke do vera faşîzmî de rolê xo yê tarîxî kay bikera. Ma na çarçewa de reyna veng danî ciwananê şorişgêr, demokrat û enternasyonalîstan ke wa beşdarê Rayîrşîyayîşo derg bibî û vera faşîzmî de vengê xo berz bikerî. Reyna ma veng danî heme ciwanan ke wa vengê azadîye berz bikerî, têkoşîn û xoverdayîşê xo zêde bikerî.”
ANF / BRUKSEL