Ciwanê Denîzlîyî zî derheqê pêşnîyazê bedilnayîşê qanûno bingeyî yo ke Meclîs ra derbaz bî û seba tesdîqkerdişî erşawîya Serekkomar Erdoganî ver de bireaksîyon î. Babete ser o ciwanî qisey kerdî. Endamê GençSenî Umut Yilmazî va ‘referandûm do mabênê dîktator û kesê ke sere nêronenî de bêro viraştiş’ û wina domna: “Nê erdan de ciwanê ke vera Serekî de sere nêronenî estî. Wa ti kes ma ra bêvengmendişî nêpawo.”
'Ganî vajîme nê'
Unîversîteya Pamukkale ra Merve Bale zî va ‘ganî heme hetê komelî ra cinîyî vajî nê’ û wina dewam kerd: “Wextê hukmatê AKPyî de heme cayan de cinîyî raştê hêriş, tacîz û tecawizan yenî. Seba ke ma rayîr nêdî tarîtîye, ganî ma vajî nê.” Unîversîteya Pamukkale ra Endamê Gençlîk Muhalefetî Cîhangîr Korogluyî zî va ‘ma do vatişê ‘nê’yî ra dima zî bixebetyî û prosesê ‘nê’yî ra dima zî rêxistine bikerî.“
DENÎZLÎ