Vîrusê Korona yo ke aşma kanûne de şaristanê Wuhanî yê Çînî de vejîya werte peynî zî pêroyina Dinya de 188 welatê ra vila bî. Hetanî nika pêroyina Dinya de 1 mîlyon û 500 hezar kesê vîrûsî ra kewtê û Tirkîya de zî nê humar nêzdî 60 hezar a. Rêxistinê Weşîye yê Dinyaye (WHO) derheqê vilabîyayîşê vîrusî de tersa xo pare keno. Îraq de televîzyonêk Vîrûsê COVÎD-19î reyde roportajêk viraşt. Pêşkêşkar Covîd-19î perseno, nîfşê to kotî de ra yeno? Covîd-19î zî no cewab dano: “Nîfşê min Vîrûsê Koronayî ra yeno û verênanê min Çîn de sey Vîrûsê SARSî û Erebîstano Sûîd e zî sey MERS vejyayê.” Pêşkêşkar perseno; to qey wina bi lez vila beno? Covîd-19 zî vano; mîyanê 24 saetî de bi mîlyonan kesî ra ez resena. Hewna pêşkêşkar perseno to rasteyêko senî ra hes keno, Covîd zî vano; ez taybetî cayo serd ra hes kena û bi ameyişê min Dinya de têgehê malbatî hewna bi qiymet û erjîya ame dîyîş. MERKEZÊ XEBERAN