Heyeta Îmralî CPT rê jû mektûb rûsnê û ci ra wast ki, rojê ravey şiro Îmralî û Ocalanî bivîno.
Mektûb raste rast dîrektorê CPT Mykola Gnatovsky nûsiyaya û vistiyayo vîrî ke 5ê Nîsane 2015 ra hetanî nika, vera Ocalan'î tecrîdê giran ramiyeno. Mektûb de vajiyayo ke tewr peynî de Mehmet Ocalan 11ê Îlone de şîyo Îmrali û birayê xo ra xeber girota. Heyetî tarsê xo ya derheqê rewşa Ocalanî de ardê ziwan û mektûb de wina va: “Ganî CPT şiro Îmrali. Yan zî sûbayê tirkî ke wastbi êrişê Îmrali bikerê û bado şîbî Yewnanîstanî ra pêdiyayiş virazîyo. Heyeta Îmrali bêhesasîyetê CPT ê vera wastenanê kurdan zî rexne kerd û va: “Bêhesasîyetîyê CPT, seba ramitişê sîstemê îşkence cesaret dano dewleta tirk.
NAVENDÊ XEBERAN