Komîteya Merkezî ya PKKyî Şehîdanê Aşma Gulane vîr ardî. Komîteye eşkerayî de vato ‘ma şexsê înan de heme şehîdanê xo biminet yad kenî’ û wina domnayo: “Ma şexsê Leyla Guvene û xoverdayoxanê rojeyê mergî de heme xoverdayoxan silam kenê û serkewtiş wazenê.”
Aşma Gulane hetê Tevgerê Kurdan ra sey Aşma Şehîdan ameya qebulkerdene û her serre şehîdê na aşme yenî vîrardene. Komîteya Merkezî ya PKKyî derheqê Aşma Gulane de eşkerayîyêk da û şehîdanê aşma Gulane yad kerdî.
Komîte derheqê Aşma Gulane de dayo zanayene ke 42 serrî yo Kurdîstan de bi nameyê partî û xoverdayîşî her çî bi vîrardişê hemra Hakî Karerî yeno viraştene û dîyar kerd ke Rayber Apo vano ke ‘cuya raşte, raştîya şehîdan a’.
Komîteye eşkerayî de vato ê heme şehîdanê têkoşînê azadîye bi minet û rêzdarî yad kenê û sozê waştişê înan bicaardişî danê. Komîteye wina domnayo: “Reyna rayberanê xoverdayîşê şorişgêrî yo ke vera derbeyê leşkerî û faşîstî yo ke 18ê Gulane, 12ê Adara 1971î ame destpêkerdene Îbrahîm Kaypakkaya yo ke 1973 Amed de bi îşkenceyî ame qetilkerdene, serrgêra şehadetê ey ya. Serrgêra 46ine ya şehadetê rayberê TKP-MLyî Îbrahîm Kaypakkayayî de ma sexsê ey de heme şehîdanê şorîşî yê Tirkîya yad kenê. Ma vîrardişanê înan Têgêrayîşê Şorişgêrî yê Yewbîyayîya Şaran de danê ciwîyayene.”
Ganî ma rastîya şehîdan fam bikerî
Serrgêra 41ine ya şehdadetê rayberê şar û ciwanîye yê Hîlvanî hemra Halîl Çavgûn, serrgêra 22ine ya şehadetê şehîdanê Qetlîyamê Hewlêrî, rayberîya Salîh, Hêlîne û Ozanî de 34 hemrayanê xo, serrgêra 37ine ya şehadetê şehîdanê xoverdayîşê zîndanî yê 17ê Gulana 1982î hemrayî Ferhat Kûrtay, Necmî Oner, Eşref Anyik û Mahmût Zengîn, hemra Sabrî Gozubuyuko ke 21ê Gulana 1985î de Bozova ya Riha de şehîd kewt, endamê Komîteya Merkezî ya PKKyî hemra Ahmet Kesîpo ke 25ê Gulan a 1985î de Şemzînan de şehîd bi, reyna fadaîyê Qeyserîyî hemrayê Erîş û Andok ê ke 25ê Gulan a 2002î de şehîd kewtî, ma şexsê înan de heme şehîdanê têgêrayîşê azadîye bi minet û rêzdarî yad kenê û sozê serkewtişê amancê înan dibare kenê. Ganî şarê ma û hetê demokratî raştîya şehîdan raşt fam bikerê, şehîdan bi vîr bîyarê û xetê înan de xoverdayîş xurt bikerê.”
Derbeyê girdî dîyayî artêşa tirkî ro
Komîteye eşkerayî de wina vato: “Ma şexsê nê şehîdan de de heme şehîdanê têgêrayîşê azadîye bi mînet û rêzdarî yad kenê û sozê serkewtişê amancê înan dibare kenê. Ma sey têgêrayîş û şar bi hamleya ‘Ma tecrîdî bişiknê, faşîzmî birijnê û Kurdistanî azad bikerê’ ya ke rayberîya Leyla Guvene ameye girdkerdene, kewenê Aşma Şehîdan a 43. Grevê vêşanîye 6 aşme û nêm o dewam keno. Reyna 30ê Nîsane de hetê şorişgêran ra zindanan de rojeyê mergî yo gird ame destpêkerdene. Gerîlayê ma yê qehremanî derbeyê girdan danê dişmenî ro û rayberîya dayîkan, cinîyan û ciwanan de xoverdayîş her roje gird beno. Xoverdayîşê ma xeylî planê serdestan pûç vetî û pêvînayîşê 2ê Gulane giredayeyê nê xoverdayîşî de bîyo. Na çarçewe de deklerasyono ke hetê Rayberê Şarê Kurdî Abdullah Ocalanî û embazanê ci ra ame weşanayene muhîm o. Ma do rêça şehîdan de xoverdayîşê xo gird bikerê. Şexsê Leyla Guvene û xoverdayoxanê rojeyê mergî de ma heme xoverdayoxan silam kenê û serkewtiş wazenê.”
ANF / BEHDÎNAN