Hetanê nika nuştoxê îslamî Edîp Yuksel bi fikrê xo demokratîk de bi hedefê nijadperestê olî. Edîp Yuksel di Quranî de îtîkadê DAIŞ û Îslamî, têkilîya faşîzma tirk û îslamî û têkoşîna kurd ser qise kerd. Yuksel aşkera kerd ke o DAIŞ qet îslamî yew rayvist qebul nêkeno û o dîroka îslamî ser cigêrayişeke hera kerdo û wina vat: “Senî ewro elaqayê xirîstîyanî ra mezhebê protestan, katolîk û mormonan çino se, zey nê mezheban tay dorûverî mislîman zî serxo pirtûkê mezhebê viraştî. Bi no rayîrî zî bawerîya muşrîkê Mekkeye dayî cuyayiş. Nê çeteyê waştişê sultanî ser newe yew îslamî xelq kerdî la her kes zî zaneno di Quranî de tam verba na rewşe peyam yeno dayiş.”
Yusel destnîşan kerd ke o qet DAIŞî zey mislîman nêvîneno, çimkî nika çeteyê DAIŞî di dinyaye de merdimîke tewr tepa mendîyî, nê çeteyê Quranî ra zilm û îxaneteke gird kenî, zatî dîrok ra nika cezaya îxanetî şarê kurd anceno.
Peygamber ra boton
Yuksel wina vat: “Zatî demê Osmanli û Emevîyan de zî merdimîy qet keyfweş nêbîyî, çimkî di no demî de welatijan zey kole cuyaynê. Êdî ma zî zanenî ke di na zîhnîyetî de kesan bîyê zey dînazor û demî nê kesan vîyarto. Çeteyê DAIŞî zey mamosteyê xo raşt têgerîyenî û nê çetey vanî ke guya Peygamberê ma sereyê 800 cihuyî birnayo û no zî zurake gird o. Zey Nîhat Hatîpoglu û Karê Dînayetî dorûveran ciwanan ra finakê Buharî mojnenî la ciwanan ra ewnîyanîke di nê pirtûkan de di heb portreyê peygamberî est o. Nê pirtûkê hadîsî de peygamberî ra botoneke gird yena eştiş. Di Quranî de zî aşkera vano ke cîhat, cehkerdiş û pawiyayişo, aşkera vano ke kam şima ra hêriş nêkerd, şima zî hêriş mekere, mesela di sureya Mumtehîne ayetê 7 û 8’in de bi tesilî seba şerî pawiyayişî şert vîneno. Ma ewnîyenî şerê Peygamberî her tim di Medîneye de ameyo kerdiş û nê şerî ser pawiyayişê amey kerdiş.”
Yuksel ciresna ke di Quranî de aşkereyo ke di îslamîyetî de cîhat çin o, tavrê nê kesan zey dijmenî peygamberî yo, qet dema peygamberî de ona hêriş şaran ra nêamekerdiş, nê çetey seba propogandayê xo şuxulnenî, seba ke o no polîtîkayê çeteyan aşkera keno, nêwazenî, o aşkera qal bikero.
OSMAN OGUZ/FRANKFURT