Di normalî de mewzuatê huqûqa tirk yew merdim ceza bêro se dayiş û lehî no merdim ser zî serpirodayişê temyîzî bêro kerdiş, peynî netîceya mehkûmîyetî verên ra giran nêbo.
Di normalî de serpirodayişê temyîz seba biryarê lehte girewtişî ser yena kerdiş la belê tam çewtî Mehmet Erdogan Dînçer ra cezaya zîndanî ame dayiş.
Mehmet Erdogan Dînçe di serra 1993’ê bi îdiaya ‘Endamê rayvistişî’ de ame binçim girewtiş û peynî zî ey zîndanî ra eşrawitî.
Peynî zî di heqê Dînçer de bi îdiaya yew îtîrafkarê di koquşî de bi xeniqnayişî kiştişî de doz ame akerdiş. Peynî zî Dadgeha Ewlehîya Dewletî heqê Dînçerî de 15 serrê cezaya giran û cezaya merdişî da. Peynî zî no biryar bi hetê Daîreya Cezaya 9’ina Dadgeha Berzî ame xirapkerdiş.
HÎNA XIRAP CEZA
Dînçer hewna ame daraznayiş û heqê Dînçerî 12 serrê cezaya zîndanî û cezaya muebbetî ame dayiş. No biryar ser Dînçer îtîraz kerd û Dadgeha Berz hewna biryarê xirap kerd la belê no ray Dadgeh 12 serrê cezaya zîndanî, cezaya muebbetî (Di serrê do hucreyê de bêro ontiş) da. Pawitoxê Dînçer hewna biryarê dadgehî Dadgeha Berzî ra kiriştî û dadgeha berz hewna biryarê dadgehî xirap kerd.
Hewna doz di Dadgeha Cezaya Giran a 6’ina Amedî de ame muhakemekerdiş û dadgeh Dînçerî ra cezaya muebbet û 6 serr cezaya zîndanî da û no ray zî Dadgeha Berz biryarê tesdiq kerd. Dadgeha Berz di sifteyin biryarê xo de xincet madeyê qanûnê 450/4’ê mojnaynê la belê no ray Dadgeha berz di tesdiq kerdişê xo de hincet madeyê qanûnê 125’ê mojna û no ser zî di normalî de Dînçer 16 serrê di zîndanî de bi rakewtî la belê nika Dînçer do zîndanî 30 serrê peynî biryarê Dadgeha Berzî birakewo.
DADGEH POŞMAN KERD
Yanî merdim bivajo se Dînçer temyîz kerdişê biryarê dadgehî ser poşman bi. Bê huqûqî ser do Dînçer 21 serrê hîna zad zîndanî de bimano.
Eke Dînçer biryarê temyîz nêkerdî do 5 serrê verê zîndanî ra vejîyaybi. Hetta temyîz nêkerdî sifteyin biryarê dadgehî ser 9 serrê verê zîndanî ra vejîyaybi.
Pwt. Dînçer hem Wezaretê Edelet û hema Dadgeha Mekaqanûnê ra serpiroday la belê hema zî di nê dadgehan ra biryar nêvejîyayo.
AMED