Qezaya Pasûrî ya Amedî de serra 1993 de 11 sîvîlî bi zorî ameybî remnayîş û dima ra ameybî vînîkerdiş. Doza ke derheqê hedîseyî de ameybî akerdiş, roniştişê 15. yê doze ame dîyayîş. Roniştişê doze tena 5 deqa dewam kerd. Kerdox Yavuz Erturk beşdarê roniştişî nêbî. Avûkat Erkan Şenseso ke beşdarê doze bî, roniştişî de qisey kerd û wina va: “Ganî paweyê netîceyê referandûmî bêro vindetiş.” Avûkatê muştekîyan zî waştî ke ganî Erturk bêro mehkeme. Mehkeme zî qerar da û dîyar kerde ke ê do paweyê netîceyê referandûmî bivinderî, la waştişê ardîyayîşê Erturkî red kerde. Mehkeme roniştiê doze taloqê 12ê Hezîrane kerde.
ANQARA