Li Saziya Malbatên Şehîdan a Wargeha Penaberana Şehîd Rustem ji bo bîranîna endama PKK'ê û şanoger Daxistan Koçer ku di 16’ê hezîrana 2011’an de li Rojhilatê Kurdistan Makuyê di encama kemîneke hêzên artêşa Îranê de jiyana xwe ji dest da bi beşdariya gelê wargehê merasîmek hat lidarxistin. Merasîm, bi deqîqeyek rêzgirtina ji bo cangoriyên Kurdistan dest pê kir. Daxuyaniya TEV-ÇAND’ê ya ji bo Daxistan Koçer hatibû şandin, ji aliye Endamê TEV-ÇAND a Wargehê Ehmed Îke ve hat xwendin. Di daxuyaniyê de ku jiyan û têkoşîna Daxistan Koçer tê vegotin wiha bû: “Heval Daxistan tecrûbeya xwe ya jiyanê û rêxistinê di qadên herî zor û zehmet yên têkoşînê de fêr bû. Di heman demê de aliyê xwe yê gelparêz û sade bi awayekî herî zelal û aşkere derbasî şanoyê kiriyê, zimanê wê çêkiriye û lêgerên xwe di van xebatan de daye îfadekirin. Heval Daxistan di wê baweriyê de bû ku huner şêwazê jiyana herî azad e û felsefeya jiyana azad di kesayet, jiyan, pêwendiyên rêhevaltiyê de kiribû pratîkê.”


'Karê zehmet jî girtine ser milên xwe'
Di daxuyaniyê de ku soza bilindkirina berxwedana cangoriyên Kurdistan têdayîn wiha bi dawî bû: “Em ê hunera ku çalakiyeke azadiyê ye li ser bingeha hunera şoreşgerî ya şehîdên me afirandine, di avakirina Kurdên Rêber Apo yên azad de esas bigirin. Ji bo em li Kurdistanê tevgera çand û huner a demokratîk bigihînin asta herî pêşketî em ê, di nav hewldanan de bin û li ser vî esasî em soz didin em ê, girêdayî bîranînên şehîdên xwe bin.”
Piştî daxuyaniyê li ser navê malbatê xizmê Daxistan Koçer, Ezîz Demîr axivî. Demîr got ku ew bi şehîdên xwe serbilind in û her tim wê dişopa şehîd û Rêberê xwe de bin. Endamê Meclîsa Gel a Demokratîk Cîhan Eren jî di axaftinaxwe de bal kişand ser girîngiya hunerê ya di nav Tevgera Azadiya Kurdistan de û got ku bi saya endamên PKK'ê yên bi hunerê re mijûl dibin di nav gelê Kurd de çand û huner pêşketiye. Eren,di dewama axaftina xwe de got ku Rêberê Gelê Kurd Abdullah Ocalan huner wek kare herî zor û zehmet ê jiyanê terîf kiriye û gerîllayên wek Yekta Herekol, Hêvî û Daxistan li gel gerîllatiya xwe ev karê zehmet jî girtine ser milên xwe."
Merasîm bi dirûşmaya “Şehîd Namirin”, “Bijî Serok Apo” bi dawî bû.  

 DÎHA/MEXMÛR