Cuyayişê azad înşa bikeme
Kongreyê DEM-GENÇ bi slogana ‘Xo rêxistin bikeme, cuyayişê azad înşa bikeme’ Kayapinar de destkerd ci. Hemseroka HDP Fîgen Yuksekdag, Hemseroka HDK Sebahat Tuncel, Hemserokê DBP Kamûran Yuksek, parlamenterê HDP Çaglar Demîrel, Îdrîs Balûken, Sîbel Yigitalp, Ayşe Acar Başaran ra piya, Kurdistan û tirkiye ra bi hezaran gencî tewrê kongre bî.
Badê vinderdişê hirmet azayê DEM-GENÇ Bariş Coşkûn’î qiseyê akerdin yê Kongre kerd û vistvîrî ke, gencî dê bin banê DEM-GENÇ de kamiya xo înşa bikerê û rêxistinbiyîna xo gird bikerê. Coşkûn’î aşkere kerd ke, îyê de bi coş û heyecanê gird, şoreşê tekoşîn biresnê serkewtiş.
Pey geyrayişê heqîqetî de...
Peycoy, azaya bîn yê DEM-GENÇ Bîrdan Erol’î qisey kerd û vistvîrî ke, tekoşînê ceniyanê Kurd serva pêrokîn dinya biya nimûne. Erol aşkere kerd ke, xoverdayişê ‘xosereyê demokratîk’ de tewr vêşî cenî benê hedef. Bîrdan Erol Dîlan Kortak, a ke Stenbol de amê kişten vist vîrî û ard ziwan ke, na qetlîam verra pêrokîn ceniyanê genc de viraziya. Ma dê bi girdkerdinê rêxistinbiyîna xo cewab bidê na qetlîam. Erol va, ‘zerriyê ma, yê ke serva şoreş veşenê, dê geyrayişê heqîqetî de, bi paradigmayê Rayverîn azad bibê. Erol peynî de meydanan de vengê harkerdişê adirê şoreşî da.
DÎHA/AMED