Zarokê Deryaya Reş ê serhildêr û dildarê biratiya gelan, hunermend Kazim Koyuncu, beriya bi neh salan 25´ê Hezîrana 2005'an koça xwe ya dawî kir. Wî yekemî koma rockê ya Lazan jî ji bo cara pêşî ava kiribû. Ew dildarê biratiya gelan bû; ji ber vê jî konsera xwe ya pêşî li Amedê pêk anîbû. Koyuncu bi salan li hemberî çêkirina rêya derdora Deryaya Reş têkoşiya. Her sal heskiriyên wî, li ber pêykerê wî yê li gundê Pançol, li Hopayê dicivin.

Yek ji heskiriyên Koyuncu jî bavê wî ye. Bavê Koyuncu Cavît Koyuncu got: "kurê min gelekî hez ji mirovan dikir. Bawerî bi biratiya gelan dianî. Kurê min serhildêr bû. Eger îro ew li vir bûya, wî dê ji bo aştiyê stranên xwe bigotana."
Bav Koyuncu jî wekî her kesî, dema behsa kurê xwe dike ji wî re dibêje Dîna Kakî Kazim. Wî got,  kurê wî ti carî dilê ti kesî nedihêla,  her tim rastî digotin. " Heskiriyên Koyuncu, wê îsal jî di 25'ê hezîranê de li ser gora wî bên cem hev û wî bibîrbînin. 

ARTVÎN