Şer û krîzê Rojhelato Mîyanên ver xeylê kesî mecbûr mendî ke ca û warê xo biteriknî û vera xo bidî cayê ke şer tede çin o.
Bitaybetî xeylê kesî vera xo dayî Ewropa. Seba şîyayîşê Ewropa nuqtaya derbazbîyayîşî zî Behrê Ege ya. Komeleya Heqê Merdiman (ÎHD) ya Şûbeya Îzmîrî derheqê bextwaştoxê ke hezîrana 2016î ra nata waştî ke derbazî Ewropaye bibî de raporêk amade kerde.
8 aşman de 22 bextwaştoxî merdî
Goreyê raporî mîyanê 8 aşman de 5 hezar û 938 bextwaştoxî ameyî tepiştiş, 1ê ci bebek, 5ê ci domanî, 22 bextwaştoxî zî merdî. Goreyê raporî hezîrane de 66, temuze de 170, tebaxe de 714, êlule de 918, teşrîna verêne de 753, teşrîna peyêne de 868, kanûne de 1 hezar û 20, aşma çileyî de zî 429 bextwaştoxî ameyî tepiştiş.
DÎHABER/ÎZMÎR