Rojnamegere Denîz Firate (Methîye Yildiztane) 8ê Tebaxa 2014î de netîceyê hêrişo ke vera Kampa Mexmûrî de şehîd bî û sergêra şehadete aye ya. Bi wesîleya serrgêra aye Firate ser mezelê xo de ameye vîrardene.
Keye û embazê rojnamegerî yê Firate beşdarê vîrardişî bîyî. Vîrardiş bi rêzgirewtişî dest pêkerd û Platformê Cinîyanê Mezopotamya ra Hîkmet Tunçe qisey kerde. Tunçe serrgêra 5. ya şehadetê Firate de bi rêzgirewtişî aye vîr ard û dîyar kerde ke ê kamera û qelema Firatî dewr girewtî.
Tunçe daye zanayene ke Firate vengê cinîyanê ke hedefê çeteyanê DAÎŞî de bî, resna dinya û wina domnaye: “Wexto ke pêrodayîşî zaf giran bî de Firate bi kameraya xo sefanê tewr aver de cayê xo girewt. Ma sozê xo yo domnayîşê têkoşînê Firate dibare kenî. Ma do têkoşînê xo bidomnî.”
Kekoyê Firate Seyat Yildiztanî zî va ‘qelema waya mi hetê embazanê aye ra ameya dewrgirewtene’ û wina domna: “Embazê Denîze do qelema aye erd de nêverdî. Nika 2 birayê min ê bînî zî qelem û makîneya Denîze girewtî û têkoşînê aye domnenî. Çiqas zextan bikerî wa bikerî, no têkoşîn do bireso serkewtişî.” Qiseykerdişan ra dima qurnefîlî ronîyayî mezelê Firatî ser.
MA/WAN