Dêrê Çeltîkî, taxa Alîpaşayî yê Surê Amedî de ca gêno, çi heyfo ke seba ke elaqa nîno nîşandayiş, kerrayê dêrî cayê xo ra vejyayê. Hetê dêrî de îqtîdarê AKP û MHPî bi nameyê bedilnayişê bajarî keyeyan virazeno la seba pawiyayişê dêrî çik nîno kerdiş. Dêrê Çeltîkî serrê 1500î de hetê Armanîyê Ortodoksî ra ameyo viraştiş, dêrî ra sey nameyê SurpSarkîs, Hizir Îlyas, Mor Dumyana û Fabrîkaya Çeltîkî ameyo dayiş, dêr de wendehêk zî bîyo û no wendegeh de perwerde bi Armankî ameyo dayiş. Hafizaya bajarî ra zirar a Goreyê xebera Ufuk Çîmenî, mabenê serrê 1894 û 1895î de hedîseyê ameyê cuyayiş ser o dêr çend ray zirar dîyo û peynî zî dêr ameyo rijnayiş. Peynîya Şerê Xorayîrberdişî bi nameyê bedilnayişê bajarî îqtîdarê AKPî taxe de banan viraştê la dêr hem hetê dewlete hem zî hetê cemaatê Armanîye elaqa nêdî. Bi serran defînekaran hêrişê dêrî kerdê, nika zî kerra û tuxlayê dêrî yenê cayê xo ra vetiş û yenê rotiş. Taxijî zî wazenê dêrî ra wayîr bêro vejyayiş û vanî ke wayîrnêvejyayişê nê dêrî, hafızaya bajarî ra do zirar bido, no ser ganî wayîr bêro vejyayiş. AMED