Bi seyan endamê Yewîya Ciwanên Rojawanî (YCR) bajarê Dêrikî de ameyî têhet û seba tecrîdo ke Rayberê Şarê Kurdî Abdullah Ocalanî de yeno meşnayîş şermizar bikerî, îzehet dayî çapemenîye.
Ciwanî merkezê ciwanan yê Şehîd Bawerî yê Dêrikî de ameyî têhet û ver bi merkezê Dêrikî meşîyayî. Wextê meşîyayîşî de ciwanan bêmaben siloganê ‘Qatil Erdogan’ eştî û tewr peynî Rasteyê Şehîdan de kom bîyî. Ciwanan tîya de îzehetêk dayî çapemenî. Îzehet hetê Endamê Yewîya Ciwanê Rojawanî Cîhad Hesenî ra ame wendiş. Ciwanan bi îzehetê xo tecrîdo ke Ocalanî ser de yeno meşnayîş şermizar kerdî û îzehet wina domîya: “Ma qirkerdişo ke şarê ma yê Vakurî ser de yeno meşnayîş, bitaybetî yê ke dewa Xerabê Bava de yeno kerdiş, şermizar kenî. Ma sey YCR xoverdayîşê şarê Vakurê Kurdistanî silam kenî. Ma soz danî ke ma do seba azadîya Rayberê Şarê Kurdî Abdullah Ocalanî dûştê xebatê xo berz bikerî.”
ANHA/DÊRIK