1. Konferansê Ceniyan yê Dersim, roja şemî, Navendê Kiltûrî yê Gencan yê Şaredarî de viraziya. Parlamentera verî yê Dersim Edîbe Şahîn, Hemşaredara Dersim Nûrhayat Altûn, temsîlkaranê sazgehanê sivîl ra piya bi desan cenî tewr bî.
Mesajê qetlîama Parîs...
Konferanso ke bi sloganê “Qûwetê ma yê vurnayin, qiseyê ma yê vaten estê” viraziya, qiseyê akerdin hetê Edîbe Şahîn amê kerdin. Şahîn bi vîrardişê Sakîne Cansiz û didi alwozanê ci destpa qiseyanê xo kerd û hayr ant qirkerdina Parîs. Şahîn aşkere kerd ke, xo tenzîmkerdiş, qûwetê xo diyayiş de, qetlîamê Parîs cayê mihîm de vindeno. Şahîn ard zon ke, 3 ceniyê ke Parîs de amey kişten, wayrê kamî û îtiqatê ciya bî. Mesajê “ma nê kamiyan qebûl nêkenê” ame dayen.
AKP kamiyê ciya ra tehamul nêkena
Edîbe Şahîn ard zon ke AKP kamî û îtiqatanê ciya ra tehamul nîkena û niya qisey kerd: “Qûwetê ke rêxistinkerdî yê rind zanê. Yê ke na tekoşîn bidê ramiten ma yê. Kes îxtidarê xo bi destanê xo nîdano kesî. Partiya ma qiseyanê xoserî her tim girot bername û rêznameyê miyannî yê xo” û hayr ant sîstemê hemserokîn yê îdareyanê mehlî ser.
Konferans çapemenî rê giroteyî dewam kerd.
DÎHA/DERSIM