Operasyonê tepiştiş û tewqîfkerdişan bêmabên dewam kenî. Roje çin a ke Kurdîstan û Tirkîya de kesê ke muxalefetê îqtîdarî yî nêrî tepiştene. Dêrsim de vizêr polîsan eşt xeylê keyeyan ser û netîceyê sereştişan de 5 kesî tepiştî.
Polîsan saetanê serê sibayî de eşt keyeyanê Hemserekê HDPyî yê Dêrsimî Hidir Çîçek, Ozlem Toprake, îdarekarê HDPyî Yûnûs aras, Cemîle Ataşe û Hemsereka HDPyî ya kehene Ozge Hoşoglu ser û înan tepiştî.
Ame musayene ke polîsan keyeyê Endamê Meclîsê Partî yê HDPyî Ferhat Yildizî zî sehnayo û derheqê ci de qerarê tepiştişî girewto. Kesê ke ameyî tepiştene, Mudurîya Asayîşî ya Dêrsimî de yenî vindarnayene.
DÊRSIM