Seke yeno zanayene bi wesîleya peynîya aşma Muharremî loqmeyî yenî vila kerdene. Çarçewaya naye de sere de Dêrsim, Anqara, Stenbol, teberê welatî û sewbîna cayan de loqmeyî ameyî vila kerdene. Cayê ke loqmeyî ameyî vila kerdene ra yew zî Dêrsim o.
Qezaya Xozatî ya Dêrsimî de Komeleya Paştîdayîşê Komelî û Kulturî ya Ocaxê Agucanî bi wesîleya aşma Muharemî Banê Miqatkerdişî yê Mizurî de loqmeyê aşûreyî da.
Loqme bi gulbanganê Pîr Îbrahîm Keteyî ame pare kerdene. Badê zî dezgehê ke domanê bêkesî tede manenî, înan rê loqme ame vila kerdene. Serekê Komeleya Paştîdayîşê Komelî û Kulturî ya Ocaxê Agucanî Banê Miqatkerdişî Înanç Doluyî derheqê loqmeyî de qisey kerd û mesajê muhîmîya yewbîyayîş û parekerdişî dayî.
DÊRSIM