Xêlê mintiqayanê Dersim ke zey ‘Cayê qedexe’ ameyê îlankerdiş de operasyonê lejkerî rameno. Nê cayan ra yew zî qezayê Malkişî yo. Yewîye ke tewrê operasyon bî, roja verî derbe werdî. Newala Alîbogazi yê qezaya Dersim Malkişî de wextê vîyarnayîşê wesayîta zirxî yê lejkerî de teqayîşe ame meydan û netîceyê ci de 1 berbazê artêşa tirk bi dirbetin.
Operasyono ke çormeyê newala Alîbogazi yê Malkişî de ame destpakerden rameno. Roja verî wextê ravêrîyayîşê wesayîtê zirxî yê yewîyeyanê cendirmeyanê herekatê taybet ke tewrê operasyon bî de teqayîş ame meydan. Teqayîşe nezdîyê dewa Gozluçayir ke girêdayê Malkişî ya de, çormeyê de virazîya. 1 berbazo ke tewrê operasyonî bîyo, netîceyê teqayîşî de bi dirbetin. Berbazo dirbetin bi helîkopterî wedarîya nêweşxaneyê dewlet yê Dersim. Na mintiqa de operasyon rameno. Herzewbîn asmen ra zî wasitayê hewa û helîkopterî zî desteg danê operason.
DERSIM