Hardê belekîn, xozaya rengînî yê Dersim bi talokeyê qirkerdinê xoza ra, rî bi rî ya. Dersim de xoza, bi projeyanê HES, bi operasyonanê eskerî, bi seydê pezkûviyan û bi birnayene daran yena qirkerden. Nika kî darê mazêr-mêşe yê ke seweta Dersimizan bimbarek-pîroze yenê birnayene.
Darê mazêr hedef de rê
Dersimizî bi serrano verniya projeyanê bendaw HES’an danê xover. La bi ameyina zimistan nika kî xozayê Dersim bi tehdîdê darbirnayen ra rî bi rî yo. Rexmê ke darê mazêr-mêşe goreyê îtiqatê Alewiyan pîroz o û birnayenê ci hetê qûwetanê PKK ame qedexekerden, yenê birnayen. Midûriyetê Birrî yê Dersim kî birnayenê mazêran rê çimê xo gêno, nayî ra qirkerdinê daran rameno.
Verr çimanê qereqol de birniyenê
Mezraya Deşt, ya girêdayê sûka Dersim, cayo ke tewr jêde darê mazêr estê yo. Darê birrê ke mavêna dewanhe Kêşan, Verîkaş, Deregah de manenê, bi ameyena zimistan hedefê dar birnayoxan de rê.
Qereqolê Sutluce, Sînan û Korfez yê ke mezra hîrê hetî ra vînenê, bi zanabiyen mudaxaleyê birnayenê daran nîkenê.
Ronişteyê dewa Verîkaş Kamer Çelîk ano zon ke: kesê ke merkezê sûk ra sonê, bi meqsedê tîcaret birrî qir kenê. Çelîk’î va, gune qereqol û midûriyetê birrî çimanê xo nêcîrê, mudaxale bikerê.
Heta bîn ra veriya çend rozan Pîr û hunermendanê Dersim hayr antî tûrîzmê peskûviyan, kampanya destci kerdî û verra seydvanî qerarê tekoşîn girotî.
DÎHA/DERSIM