Mezelxaneyo ke dewa Roşnek de ro de, cenazeyê gerîlayan û esteyê kesê ke tertelê ‘38’de weşiya xo kerdî vindî estê. Mezelxane aşma Cotmeng de hetê eskerê ke vejiyaybî operasyon rizniya. Herzewbîn cayê îbadetxaneyê 0Alewiyan keyeyêcem kî ebi bombeyan ame welişnayen.
Verra wehşet înşa
Dersimizî nika seweta reyna ra virastenê mezelxane û şehîtgehî seferber biyê. Welatijn kemer-sîyê mezelqxane, enkazê keyeyê cem û esteyê kesê ke tertelê ‘38’î de weşiya xo kerdî vindî kom kerdi.
Welatizan ra Sakîne Ertugrul damusnena ke, bombe ronay binî û teqînay. Kemerê mezeleyî vilayê ray, deşt û erazî bî. Dîna riziya ser ma. Se ke, nî kemerî vorniyay ma ser.
Kes teslîm nîbeno
Ertugrul ana zon ke, se kenê, wa bikerî, ma wayrê şehîtgehanê xo vejîme û newe ra înşa keme, heta wesarî hona rindek virazeme û niya va: Nêşkenî sarê Kurd teslîm bicîrê. Îyê vanê ‘ma kistî, ma rizinay, îye teslîm benê. La kes teslîmê kesî nîbeno. Se kenê wa bikerî, îye de bi xo vindî bikerî.
Merdeyanê ma ra çi wazenî
Sakîne Ertugrul persa ‘mezelxaneyan ra, esteyanê merdeyanê ma ra se-çi wazenê? kerd û niya va: Hêrsê mordeman hona kerdî jêde. Dewletî ra, polîsan ra, domanî qijkekî-werdî kî endî nefret kenê. Ertugrul ana zon ke, şehîtgehî didi serrî de, netîceyê emegê piyayî de virastî.
Hometî ra piya newe ra înşa keme
Seweta virastisê şehîtgehî Almanya, Awûsturya, Amerîqa û xêlê cayanê ciya ra bi hezarî kesî ameyî û yardim kerdî. Ertugrul vana, zey verriya didi serr, nika kî ma piya onca înşa keme. Sakîne Ertugrul peynî de dana zonayene ke, xalxalokan çormeyê şehîtgehî gurewto û ana zon ke, xalxalokî mijdaniya rozanê rindekî danê.
DİHA/DERSİM