Tarê Gulîk ke berzayîya koyanê Dersim de reseno, badê hewldayenê bi zehmet yeno are kerdiş. Dersimizî nê rozan de vejyenê mergî û tarî are kenê, dekenê torbeyan û dezgehan de roşenê.
Gulîk emserr va yo, çike…
No tar o ke xêlê werdisan de yeno poten xurikê tewr gird yê werdisan o. Rîwalê polîtîkayanê herbî yê AKP emserr bihayê Gulîkî berz biyê û zaf va yê. Çike nika Dersim de 11 heremî hetê walitî zey ‘heremê qedexe’ ameyê îlankerdiş. Nayî ra arekerdisê Gulîkan emserr zaf zehmet o. Welatijan ra Ender Ekîcî ke sono berwarê koyanê Mûnzûr’î ra Gulîk are keno û sûk de dezgehan de roşeno ano ziwan ke, rîwalê ‘qedexe’ yê hereman bihayî emserr berz biyê.
Kîloyekê ci 5 TL yo
Ekîcî da zonayen ke 20-30 kîlometre ray şinê, berzayîya koyan de zerê vowr û lincî de Gulîkan are keno û hina va: “Gulîkê ke ma are kenim, dekenime xasîyan miyan, danime poşta xo û heta sûk anime. Raywaniyeke zehmet a. Rîwalê ‘qedexe’ yan pir kêmî Gulîkî yenê are kerdin. Nayî ra bihayê ci zî va yê.
Ekîcî da zonayen ke, jû roz de 50 kîlo Gulîkî are kenê û kîloyê ci bi 5 TL roşenê.
DÎHA/DERSIM