Bernameyê Festîvala 17. ya Xoza û Kulturî ya Mûnzûrî ame aşkere kerdiş. Festîvala ke serra 2000î ra na het virazîyena, do emserr mavêna 27-30’ê Temmuze de bi slogana “Festîval yê şarî ya, do yê şarî bo, OHAL û awbendan rê nê” virazîyo. 

Komîteyê amadekar ê Festîvala 17. ya Xoza û Kulturî ya Mûnzûrî bi kombîyayîşeke çapemenî bernameyê festîval aşkere kerd. 

Serokê Komîteyê amadekar Hidir Demîrî kombîyayîş de qisey kerd û vist vîrî ke festîvala emserr bi slogana “Festîval yê şarî ya, do yê şarî bo, OHAL û awbendan rê nê”  yena viraşten. 


Amadekarî qedîyay

Demîrî da zanayîş ke emserr rîwalê tayînkerdişê qeyûmî festîval hetê şaredarî nê, hetê sazgehanê sûk û şarê Dersim yena organîzekerdiş. Demîrî da zanayîş ke amadekarîye festîval qedîyayê û dîyar kerd ke do teber û zerreyê welatî ra xeylê kesî tewrê festîval bibê. 

Serokê Komîteyê amadekar Hidir Demîrî veng da her kesî ke 7 ra heta 70 serrî gereke her kes tewrbîyayîşê festîval zey wezîfeyeke xo rê bivîno û wayîrê ci bivejyo. 


Bernameyê festîval

Festîvala ke do 27ê Temmuze de destpê bikero, bernameyê ci wina yo: 


27’ê Temmuze

* Festîval do 27ê Temmuze de saet 09.00 de Meydanê Seyîd Rizayî de destpê bikero. 

* Qiseyan ra dima do zîyaretê ver bi Gola Çeto bibo. 

* Saet 19.00 de zî pêşandanê Semah hu desteka seba beytan do bibo. 

* Peynîye şew de zî do Cep Sînema de belgefîlmo ke behsê têkoşîna cinîyan keno bîro temaşekerdiş. 


28’ê Temmuze

* Do derheqê qewimyayîşanê sîyasî û tesîrê ci yê ser herême de panel virazîyo. Panel do Salona Veyveye yê Garaj de saet 18.00 de destpê bikero. 

* Dima ra do Gazik de goşdarîkerdişê mûzîk bibo. 

* Peycoy Cep Sînema de do saet mavêna 10.00- 22.00 de filmê derheqê têkoşîna emegî de bîro damûsnayîş.


29’ê Temmuze

* Do saet 16.30 de Kûçeyê Hunerî de ser Dersim de îtîqatî û kulturê ocaxan de panel virazîyo.  

* Mavêna saet 10.00 û 22.00 de Cep Sînema de do Belgefîlmê ’38 ê Dersim bîro damûsnayîş. 

* Parka domanan ê Yenî Mahalle de, saet 18.00 de do goşdarîkerdişê muzîkî bibo. 


30’ê Temmuze 

* Do saet 09.30 de Parka Seyîd Riza de şar are bibo û Meşa dorûverê Mûnzûr virazîyo. 

* Tewr peynî de Mavî Kopru de do goşdarîkerdişê muzîkî bibo. Qiseyan ra dima festîval do biqedîyo. 

No mavên de xeylê hunermendan verîya çend rojan aşkere kerdbî ke iyê dê tewrê festîvala ke hetê şarî virazîyena bibê.   n DÎHABER/DERSIM