Wextê operasyonî de xêlê lejkerî kirêşîyay koyanê Koyanê Demanan, Heyderan, çormeyê dewa Bor, Vartînîk, Koyanê Ezîz Abdal, Alî Kol, Dola Kesîsîz û Roj. Dûştê lejkeranê Tirk ke vejyay operasyonî, Rûbarê Rojî de hêriş virazîya û xêlê lejkerî bî dirbetin. Lejkerê dirbetin bi helîkopteran wedarîyay nêweşxane. Herzewbîn ame îdiakerden ke jû gerîlaya cinî zî pirodayişan de bî dirbetin û wedarîya nêweşxane. Mintiqe de hereketîna lejkerî ramena.
Bi Licê ra eleqe birnîya
Roja verî 14 dewanê qezayanê Amed Licê, Hezro û Karaz de qedexeyê vejyayişê teberî ronîya û operasyonê lejkerî destpa kerd. Şewa verî cayanê ke qedexe ronîya de hereketîya helîkopterî estbî. Mintiqe ra eleqe birnîya. Hereketîna lejkerî şewa verî ra heta vizêr sodir dewam kerd. Çortalê Licê de sewqiyatê lejkerî virazîya. Goreyê zonayişan lejkeran xo dewa Licê Nenyas de bi ca kerdo û destûr nêdanê ke dewijî bivejyê teber. Şewa verî ra na het zerreyê Licê de şebekeyê telefon û înternet birnîyayê. Bi xêlê dewanê ke qedexe esto ra zî eleqe bi temamî birnîyayo.
DÎHA / DERSIM / AMED