No zî bes nêbi bi virazyayişê nêy qirkedişan de sewalêy ke xozaya Dêrsimî de cuya yê zî yenê qirkerdiş û roj bi roj verbê vinîbîyayişî rayîr genêy. Ney mijarî de serekê Komeleya Pawiyayişê Cuyayişê Xozaya Mûnzûrî Haydar Çetînkaya ard ziwan ke semedo ke sewalêy vinîbîyayişî ver de vinî nêbê lazimo ke berê pawiyayişî.
Bi polîtîka AKP ya enerjî û ewleheyî de Kurdistanî de bendawêy ke amey viraştiş û wazenê bivirazê tarîxa bi hezar serran binê awî de ame ternayiş û wazîyeno hewna zî binaw bikerêy. Hetê ney de zî cuyayişê sewalan zî kewto binê talûke û her roj ravêreno tewrê sewalan vinî benêy û qir benêy.
Numûneya herî barîz o yo ke Awa Perî ser de 5 cayêy cîya de bendawê enerjîyî înşa kenêy ra dewîy amey vengkerdiş,xoza ame xirabekerdiş û tewrêy vaş û sewalan amey qirkerdişî ver.
'Bi desan tewr koç kerdîy'
Serekê Komara Pawiyayişê Cuyayişê Xozaya Mûnzûrî Haydar Çetînkaya ard ziwan ke bi viraştişê bendawan ra bi seyidwaneyî zaf tewrêy sewalan amey qirkerdiş. Semedo ke vernîya ney bigê zî em serr destûr nêdayê ke Mudirteya Pêroyina Parkêy Mîllî û Pawiyayişê Xozayî destûr bido seyidvanan. Serra 2014-15 de îhaleya seyidvanan 10 bizê koyan qetil kerd. No zî bisemedê bertekê şaran û 300 hezar TL ceza şîrketî ra birnay û wina dewam kerd: “Emserr semedo ke HPGe biryara xo eşkera kerd ke û seyidvanî qedexe kerd. Zaf weşê şarî şi. Ney ser şîrket emser nîyame tîya. Emser Awa Perî ser de 5 bendawîy amey viraştiş. No zî bi semed ke nezdî 10 tewr sewalîy cayê xo biterinkêy û koç bikerêy. Hetê înan zaf tewrêy vaşan zî vinî bîy.”
Goreya dazanayişê Çetinkayayî Dêrsimî de 7 tewrê kengerî esto. Hetê nînan sewalêy tewr bi tewr yê yabanî estêy. 50 tewrêy endemîk û 1550 tewrêy vaşan estêy.
Tewrê maseyan ra pûlsûrîy û kutikê awî zî vinîbîyayişî verde yê. Herî peynî Çetînkaya veng şarî da ke lazimo hemeyê şaran pîya xozaya Dêrsimî û Mûnzûrî gere bipawê û nêverdê ke kes an zî hukûmatêy ke wazenêy xozayî xirabe bikêy.
FERHAT ASLAN/DÎHA-DÊRSIM