Damûstayîna ke Meydanê Seyîd Riza de amê dayen de xêlê temsîlkarê partî û dezgehan tewr bî. Nûmayiş de sloganê zey “PKK şar o, şar îta de yo” berz bî.
‘Nêşkenê ma bişikînê’
Hemserokê DBP yê sûk Mûrat Polat ke damûstayîn da vist vîrî ke Tirkîye çarnîya Almanyaya Hîtlerî. Polatî vist vîrî ke yê ke behsê demokrasî û îradeyê şaran kenê, şaredar, hemserok û parlementerê ke bi îradeyê şarî weçînîyay gênê binçim û tepêşenê. Polatî waşt ke desinde yê ke hêsîr amey giroten serbest bîrê veradayen.
Qiseyan ra tima şêligî 5 deqe nûmayişê roniştişî viraşt û slogana “Binçimgirewtişî, tepiştişî, zextî nêşkenê ma bişikînê” berz kerdî.
Mavêna gencan û polîsan de pirodayişî
Heto bîn ra sûk de gencê ke seba protestokerdişê rehîngirewtişê Hemserok û parlementeranê HDP Meydanê Azadî de rayirî girotî. Polîsan bi TOMAyan hêri kerdî. Dima ra zî xêlê wesayîtê bînî yê zirxî û polîsê çewîk kirêşîyay cayê bîyayiş û herb vilayê kuçeyan bi. Xêlê gencî amey binçimgirewten.
Tenya Dersim de nê, Amed, Stenbol, Edene, Îzmîr, Aydin, Mersîn û xêlê sûkanê Tirkîye û Kurdistan de gencî vejyay meydanan û hikûmeta AKP îqaz kerdî.
ANF / DERSIM