Partîya Çepe (Dîe Lînke) eşkerayîyêk daye û vat, tecrîd lezkanî bêro wedaritene û dest bi muzekereyan bikerê. Hukmatê Elmanî ra ame waştene ke nêbibo şirîkê sucanê Tirkîya.
Bi nameyê Rayberîya Eyaletê Bremene ya Dîe Lînke Cornelîa Barth û Felîx Pîthanî eşkerayîyêk daye û ame vatene, tecrîdkerdişê Rayberê Şarê Kurdî Abdullah Ocalanî îşkence yo û veng da ke tecrîd lezkanî bêro wedaritene.
Eşkerayîye de ame vatene ke, rejimê Erdoganî seba vergirewtişê muxalefetê demokratîkî, temsîlkarê sîyasetê demokratîkî tepiştê û eynî wext de hêzê dewleta Tirkî û çeteyanê Îslamî yê radîkalan Rojava (Efrîn) îşxal kerde. Eşkerayîye de bale ancîyaye ser ke, Hukmatê Elmanî bi şirîkê xo yê Tirkîya ganî hîna zêdetir nêbo şirîkê sucanê Tirkîya. Hukmatê Elmanî a ame waştene ke êdî çekan nêroşo Tirkîya.
Dîe Lînke ard ziwan ke, sey Leyla Guvene ê zî wazenê mîyanê Tirkîya û PKK’yî de seba aştîye pêvînayîşî dest pê bikerê û peynî bi tecrîdkerdişê Rayberê Şarê Kurdî bêro ardene. Vengdayîş de ame vatene, parlamenter, hemserekê Şaredaran û bi hezaran girewte yê ke hepisxaneyan de yê desinde bêrê verdayene.
Rayberîya Eyaleta Bremene ya Dîe Lînke vat, grevê vêşanîye yo ke 17’ê Kanûne de bajarê Strasboûrgî yê Fransa de dest pêkerd, seba aştîye û muzekereyî yo û defêna paştdayîşê xo yê seba grevê vêşanîye nîşan da.
Eşkerayîye de ame parekerdene ke, endamê Rayberîya Eyaletê Bremenî ya Dîe Lînke û namzedê parlamenterî yê weçînitişê eyaletî Mazlûm Koç û endamê rayberîya Dîe Lînke bi nê amancî ameyî serdena çalakîya grevê vêşanîye.
ANF/BREMEN