Hikûmeta AKP ya ke sûkanê Kurdistan kurdan ra veng kena, hewl dana ke nê sûkan de penaberanê ke Sûriye ra ameyê bi ca bikero. Jew cayo ke wayrê îtiqatê alewitî yo Gurgum de nika qampê AFAD’î ronenê û penaberanê sûnnî bica kenê. Bi nê qampan herzewbîn çeteyanê DAIŞ û El Nusra zî bi ca kenê û raya tenzîmkerdişê çeteyan kenê hadre. Kurdê alewî vera ronayişê qampan destpa xoverdayiş kerd. Şahidê Qirkerdişê Gurgum’î aşkere kerdî ke ê nêwazenê reyna bîrê qirkerdiş, cok ra xoverdayişê xo ramnenê.

Ronişteyê herema Terolar yê Pazarcix’î vera nê qampan destpa xoverdayişî kerdî. Kurdê alewî yê Gurgum’î aşkere kenê ke bi nê qampan ra piya çeteyan kirêşnenê herem û reyna înan qir kenê.  


‘Dest mede deşta mi’

Şahidê Qirkerdişê Gurgum’î, dûştê Qampê AFAD’î ke dewlet hewl dana ke mîyanê dewê alewîyan de înşa bikerê, rêzê vernî yê xoverdayîşî de ca gênî û hewl danê qirkerdişanê newî bigîrê. Seba koçberkerdişê nufisê alewîyan, AKP bi destê AFAD’î erdekî 360 donimî ya mîyanê 7 dewê alewîyan ser de ca gêno, qampekê bextwaştoxan (pênaber) virazena. Nê hewldayişî hometê alewîyê kurd miyan de bi sebebê ters û fikaran. Nayî ra alewî bi şîara ‘Dest mede deşta min’ di hefteyo ke xoverdayîşî de yê. Seba hetkarî bidî welatijê heremî, verê çend rojan tay elewîyî teberê welat cuyenî ameyî Gurgum’î. Şahidê Qirkerdişê Gurgum’î, qampê AFAD ke yeno waştiş dewê Terolarî de bêro awankerdiş ser qise kerdî û aşkera kerdî ke bi no qampî yeno waştiş ke komelê alewî ser reyna bîn qetilkerdiş bêro viraştiş. 


Wazenê qetil bikerê

Dewê Terolar’î ra Mehmet Gunay ke 84 serrî yo, dîyar kerd ke ê nêwazenî qampê AFAD nêzdî dewê înan de bêro viraştiş û wina vat: “Mumkin nîyo ke ma, bextwaştoxê Sûrîye ke ewta de wazenî ca bikerî reyde pîya biciwî. Seba bawerîya ma, ma ra hes nêkenî. Key firsend bivistnê dest, dê hewl bidê ke ma ewta ra bivejnê. Hedefo esasî yê no qampî zî no yo. Verê 40 serran seba bawerîya ma, ma qetil kerdî. Bi no rengî hewl danî ke rayêko bîn ma qetil bikerî. 


DAIŞ û E Nusra bi ca kenê

Bi no qampî sifte çikekî wazenî bikerî, newe ra qetilkerdişê ma yo. Nê erebî ke wazenî warê ma de ca bikerî, pêroyîya înan çeteyê DAIŞ û El Nusra yî. Gelo cayêko bîn nêmendo ke warzenî herra alewîyan de qampê bextwaştoxan virazenî.” Jû  şahida bîn yê Qirkerdişê Gurgum’î Safîye Yildiz a 76 serrî ya, domanê ay zî Qirkerdişê Gurgum’î de ameyo qetilkerdiş. Yildiz destnîşan kerd ke ewta herra înan a û cuya înan ewta de şîn daya, ewta ra bîn cayê ke biciwî çin o.


Îtiqatê xo ra fek veranêdanime

Ceniya xoverder hayr ant Qirkerdişê Gurgum’î ser û wina va:  “Qirkerdişê Gurgumî de domanê min qetil kerdî, hema zî seba lajê xo ez bermena. Ez nika ra tersê qirkerdişêko bîn ser nêeşkena rakewa.”Şahîdê Qirkerdişê Gurgum’î ra Selman Kaçmaz o 85 serrî zî îzeh kerd ke dûştê viraştişê qampê bextwaştoxan ê AFAD’î ver vejîyeno û wina vat: “Ma nêwazenî qamp ewta de bêro viraştiş. Ma qet bawerîya xo ra fek veranêdanî û no ser ma ra fek vera bidî.” 


Qirkerdişî rê destûr nêdame

Serva xoverdayişê Terolar teberê welatî ra zî desteg şi. Seroka Komela PAZ-DER Selver Çulpan ke Îngilîstan ra serva paştdayen şî Gurgum veng da kurdanê alewî ke teberê welatî de yê vera talokeyê qetlîaman bibê jû. Çulpan va, bi viraştişê nê qampan wazenê alewiyan bidê goçkerdiş û aşkere kerd ke  veriya ke berey nêbo, ganî çiyê bîro kerdiş. Selver Çulpan va ganî ma bibê quwetê piyayî û wayrê hardê xo bivejyê. 

Serokê Komeleya Terolar yê ALmanya Îbrahîm Kabayel ke şi Gurgum vist vîrî ke nufûsê Pazarcixî ra jêde nufûsî kirêşenê sûk. Kabayel’î va bi na nufûsî daxî niyetê esasî yê hikûmet vejyeno werte û wina va: “Pey no qerarî de îradeyê siyasî esto. Bi na qamp hesabê ciya kenê. Ma roja sifte ra heta na het tiya de yê. Ma pêvacoyê hiqûqî da destci kerdiş. Ma dê xoverdayişê xo biramnê”. Welatij Îbrahîm Demîrcîoglû ke serva paştdayişê xoverdayiş teberê welatî ra şi Pazarcix  veng da welatijan ke vera polîtîkayanê qirkerdiş bibê jû. Demîrcîoglû aşkere kerd ke îye de qirkerdişî rê destûr nêdê û welatijan silayînê xoverdayiş kerd.  


Hasan YOLDAŞ