SEMÎRA ŞEHABÎ / SILÊMANÎ / ROJNEWS
Deşta Şarezurî erdanê tewr bereketinan ya Silêmanî ra ya û verê cû bi zîhnîyetê komunalî berardiş ameyêne viraştene. Labelê badê ke rejîmê Baasî rijîya, Hukmatê Herêma Kurdistanî meaş da tayê kesan û şar fek berardişo komunal ra verada. Wina bi ke şar bi temamî berardiş ra qerfîyabi.
Demêko derg ra dima tayê ciwanî ameyî têhet û Deşta Şarezurî de berardişo komunalî newe ra ganî kenî. Na grûba ciwanan de 10 cinîyî, 2 camêrdî pêro pîya 12 kesî estî. Ciwanan hêgayê 10 dolimî ser o dest bi berardişî kerdî û fasulya, xîyar, firingîye û xeylê sewzeyanê bînan resnenî.
Ciwanan ra Bêrîvan Ehmede dîyar kerde ke ê zaf bi zerrîweş î û berardiş hîsêko cîya yo. Îdareyê grûbe ra Bîlal Hemed Raufî da zanayene ke ê plan û xebatanê xo bi hawayo komunal virazenî. Îdarekaran ra Şeyma Ferîdûne zî wina va: “Xebatê ma zaf muhîm î. Cagirewtişê cinîyan rindîyêka bîne yo. Seba ke berê ma tebîî yî, seba weşîye zî baş î. Ganî herinda beranê teberî, berê tîya bêrî tercîh kerdene.”