Dewa Çayboyu 3 km dûrî navenda Çewlîgî yo, dewijê na dewe bi serrana ke rayê xo seba AKPî şuxulnayî, tewr peynî weçînayişî 60 rayî ra 50 rayî AKPî ra vejîya. Dewijan omidê xizmetî rê rayê xo seba AKPî şuxulnayî la belê 2002’ê ra nika yew xizmet daxî nêşîyo na dewe, her verê weçînayişî AKPijan şîyê na dewe û sozê pird, binawanîyê û rayîrê dayî la belê qet sozê xo nêardê cayê xo.
Di na dewe de hema zî wendegeh çin o û domananê dewijî bi îmkanê xo ser pirdan vîyarenî û şonê wendegehê, taybetê pirsgirêkê gird a dewê binawanîyê yo, seba ke awê lêmin navenda dewe de vîyarena no ser zî di dewe de nêweşîyê janî vila bîyê, hewna rayîrê dewe zî xirab o, no ser zî wesayîtan nêeşkenî bi rehetî dewe ra şîrê. No ser zî dewijan AKPî ra omidê xo birnayê.
Dewijan ra gef
Çi heyfo ke rayîreke weş nêşono na dewe la binê dewe zî karkerê Rayîrê Wesayîtî zî sewbî rayîran de şuxulnayişî rê axê benî, na rewşe ra dewijan bertek mojnayî la bertekmojnayişî dewijan ra zî lejkeran gef wendî û vatî; ma şima bigêrî.
Wendekar Fatma Aytan pirsgirêkeke ancenî ser vat ke taybetê şîyîşê wendegehî ra pirsgirêk ancenî, taybetê vejîyayişê rayîrê xirabî ra zehmetî ancenî, zatî dema ke vewr bivaro no demî qet nêeşkenî şîrê wendegehê, dibistanî ra şîyîş rê pird ra vîyarenî, dema ke wendegeh ra şonî û yenî ê zaf tersenî.
Her roj meş
Hewna wendekar Yasîn Aytan zî aşkera kerd ke ganî pirsgirêkeke înan ancenî çare bêro vînayiş, taybetê dema zimistanî awe robar û dereyan berz benî, no ser zî ê hîna zehmet ancenî, nêzdî yew saetî de şonê wendegehê.
Welatijj Saadet Bogatekîn ciresna ke ganîyo ke ganî rayîrê, pirdê û wendegehê dewe înan bêro viraştişî, çimkî rewşa domananê înan zaf bi xêrab o, bi saetan domananê înan şonê wendegehê, taybetê domanan aşmê zimistanê zehmetî ancenî.
Bogatekîn vat ke dema ke domananê înan wendegehê şonê, rayîrê de domanan ra kutikan hêriş kenî, dema ke nêweşî înan bibo se bi îmkanê xo de benî nêweşxaneyî.
Yew AKPij nêameyo
Bogatekîn bal ant ser dirîtîya AKPijan û wina vat: “Ma nê çend serra ke çi heyfo ke AKPî ra rayê xo danî la belê yew rojê daxî AKPijan nêameyê dewa ma, zatî nika ra pey ma nêwazenê bêrê dewa ma.”
Dewij Seyîthan Sayan zî vat ke hetanê nika qet dewa înan ra xizmet nêameyo kerdişî, nê dewe înan de binawanî nê zî serawanî est o, rewşa dewe înan zaf bi xêrab o, wendegehê înan est o la zereyê ci vila yo û êdî ê wazenî dewa înan ra xizmet bêro kerdişî, ê di mîyanê xo de pereyê kom kerdî seba viraştişê pirdê û qet dewlete zî hetkarî nêdayo.
Tena HDPijan persayî
Sayan tewr peynî aşkera kerd ke hetanê nika qet AKPijan dewe de nêvinayî, qet AKPijan înan nêpersayî, hetanê nika tena HDPijan înan persayî û wazenê hetkarî bidê înan ê, çimkî hetanê nika qet yew partî înan nêpersayo, tena HDPijan pirsgirêkê înan çareser bikero, no ser zî HDPî ra hetkarî bidê.