Dewijê vatî ke guya dewleta tirk no projeyê seba karê zîretî keno la belê bi viraştişê no projeyê zî bi hezaran hektar warê zîretî binê awê de bimano.
Dewijan vatê ke dewleta tirk hetanê nika ser înan polîtîkayê terteleyê şuxulnayo, ewro zî eynî polîtîkayê dewleta tirk wazena bi no projeyê bivirazo, ê qet no projeyê nêwazenê û çimkî zanenî ke bi no projeyê dewê înan çin bibo.
Dewij bi nameyê Yeter Sarikaya destnîşan kerd ke ê nêwazenê dewa înan ra golet bêro viraştiş, qet ona yew waştişî înan zî nêbîyo, bi viraştişê goletî do heme baxçe û heqayê înan binê awê de bimano, qey ê no goletî biwazê.
Hewna dewij Azîz Karaca zî aşkera kerd ke ê no goletî zey rijnayişê cuhetî û çinkerdişî vînenê û eke no golet bêro se viraştiş do heme hegayê înan binê awê de bimano, no ser zî ê no goletî nêwazenê.
Namzedê HDP a Dêrsimî reyde dewijan kombîyayiş viraştî û eynî waştişê xo zî namzedan ra vatî.
ANF/DÊRSIM