No biryar bi hetê Lîjneya Sererastkerdişê Pîyaseya Enerjîyî (EPDK) ra zî ame erêkerdişî. DSÎ aşma sibate de aşkera kerd bi ke projeyê xo bivirazo la bertekêy ke do Sûrê Amedî û peyzajêy Baxçeyê Hewselî xirabe bikero ra, DSÎ pey ser gam eşt û biryara ke şar pabokê ci bi da.
Biryara betalkerdişî Çêrmûgî ra zî ame. Çêrmûgî de zî Geçît HES ya ke rayîra Şengûş (Çunguş) de yo do bîyamaynê viraştiş zî ame betalkerdiş. DSÎ ard ziwan ke semedê betalkerdişê ney cîyayo.
Heme betalkerdişîy hetê rayapêroyine ra erênî ame vînayiş. Kurdistanî de heta no gamî 223 projeyê HESan ameyê viraştiş û hewna yên ke yenê plankerdiş zî 500 heb estêy. Wezîrê Karên Awe û Daristanan Veysel Eroglu aşma gulana 2014 de ard bi ziwan ke 461 HES ameyê temamkerdiş û projeyê 823 HESan zî estêy. 162 HESîy zî viraştişê înan dewam kenêy. Heta 2014 320 hebîy bi sektora xoser, 141 hebîy zî bi destê DSÎ ameyî viraştiş.
DÎHA/AMED