MIZGÎN DESTAN EGÎT / ANF / BEHDÎNAN
Endama Konseyê Serekîya Pêroyî ya KCKyî Sozdar Avesta derheqê babetanê rojeve de qisey kerde û hişyarîyê muhîmî kerdî. Avesta bitaybetî tecrîdê Îmrali ser o vindete û qedexeyê pêvînayîşê keyeyanê Îmrali sey leteyêkê konseptê neweyî hesibna.
Avesta daye zanayene ke dewlete Îmarali de polîtîkayêka cîya rayra bena û wina dewam kerde: “Nê talîmatî hetê Erdoganî ra yenê dayene. Rayberê ma 20 serrî yo binê tecrîdî de yo. Wa naye hol bizanê ke mesele tena Îmrali de yena çareserkerdene. Rayberîye ard ziwan ke o semedê çareserîye amade yo û dewlete sucî ser tepişt. Înan vatêne ê haştîye wazenê la dimayê vengdayîşê Rayberîye cade pêvînayîşî qedînayî û qedexe vist dewre. Dewlete reyna vera şarê Kurdî qerarê înkar û çinkerdişî girewt. Ê do mecbûr bimanê û reyna Îmraliyî zîyaret bikerê.”
Avesta xoverdayîşê gerîlayan silam kerd û wina va: “Gerîlayê azadîye tena Başûrê Kurdistanî de têkoşîn nêdanê, heme Kurdîstan de destkewteyanê şarê Kurdî pawenê. Sîstemê Erdogan û Bahçelîyî hetê gerîlayanê azadîye ra ame leqnayene. Coka bi operasyonanê bi nameyanê cîya-cîyayan hêrişê gerîlayan kenê. La gerîla heme hêrişanê înan pûç vejeno. Ez reyna fermandarîya Heftanîn û Xakurkê pîroz kena.”
Ganî cepheyê demokrasî bêro xurtkerdene
Avesta vera ablûqaya ke Kampa Mexmûrî ser o yena domnayene de reaksîyon nîşan daye û xoverdayîşê dayîkanê Mexmûrî silam kerd. Avesta wina qedênaye: “Ganî heme partîyê Kurdan seba çareserîye berpirsîyarîya xo bica bîyarê. Seba ameyox û yewîya Kurdan ganî hukmatê Başûrî fek tayê tewiranê xo ra verado. Dayîkî 20 rojî yo seba wedaritişê ambargo xover danê. Nê dayîkî heme dayîkê şehîdan ê. Ganî çarçewaya yewîya neteweyî de cepheyê demokrasî bêro xurtkerdene. Reyna ciwanê Kurdan ganî seba rijnayîşê faşîzmî vera xo bidê koyanê Kurdîstanî.”