Taybetê di Erziromê de serfirazîya DBPê ra pey, AKP tersê vînkerdişê wekîlî, di Erziromê de tornê Şêx Seîdî neslê hîreyin ra Abdurrahîm Firatî rêzê 5’in ra namzedê xo mojna. Bi no rayîrî zî AKP wazena kamîya rêzdar a Şêx Seîdî ra kurdan ra rayê bigêra.
Abîdeyê ra destûr nedaybî
AKP wazena ser Şêx Seîdî rayê kom bikero, di Xinûsa Erziromê de seba Şêx Seîd û embazê Şêx Seîd ra hetê şaredarîya DBPê abîde ameybî waştiş ke bivirazîyo la belê AKP seba nêviraştişê abîdeyê Wezaretê Karananê Zereyê ra mutefettîşan eşrawitbî û peynî zî nê mufettîşan yew rapor hadre kerdbî û raporê xo de zî vat bike: “No abîde dewletê ra zirar o.” Û peynî zî di heqê hemserekê Şaredarîya Xinûsê û tornê Şêx Seîdî Hasan Basrî Firat û hemserek Gulay Peker û karmendê karananê karê Fenî Abdulhekîm Firat de 57 hezar û 333 TL cezaya pereyê ameybî dayiş.
Do şar bawer nêkero
Hemserekê Şaredarîya Xinûsê û tornê Şêx Seîdî Hasan Basrî Firat vat ke heqê ey de bi îdiaya ‘Pesnkerdişê sûcdarê û sûcê’ doz ameyo akerdiş, AKP nika ser bawkalê ey wazeno kurdan ra rayê bigêro û na rewş zî manîdar o, çi heyfo ke hema zî di dersê pirtûkê de Şêx Seîd zey terorîst yeno mojnayiş la êdî şar kurd na zîhnîyet ra bawer nêkeno.
Do verpers bidê
Firat bal ant ser namzedê AKP a Erziromê û wina vat: “AKP di Erziromê de neslê hîreyin ra tornê bawkalê min namzed mojnayo, guya AKP wazena bi no rayîrê kurdan rayîr bigêro la êdî kurdan no tarz kayan ra nêxapêyenî. Polîtîkayê AKP a înkar û îmhayê di mîyanê de yê. Di Erziromê de hêzê demokrasî û bindestê di dorûverê HDPê de bîyê yew wucit. HDP garantorê demokrasî yo. Tena çare verba AKPê yewbîyîşo. Di 30 adarê de çew bawer nêkerdî do ma Erziromê de 4 qezayê qezenc bikerê, do hewna şarê Erziromê zîhnîyeta kapîtalîst û faşîst ra 7’ê hezîranê verpers bido. Erzirom ra wekîlê HDPê do Meclîs ra bieşrewê.”
DÎHA/ERZIROM