Her serre di pêroyina Ewropaye de mîhrîcan yena viraştiş, na mîhrîcan hokeya kultur û muzîkê kurd ra warêkê bi muhîm akena. Mîhrîcan û şahîyê bi rayverîya TEV ÇANDe yenî viraştiş û mîhrîcane ser endamê komîte ya tertîpî Mehmet Aslan agahî da. Aslan vat ke ê na serre mîhrîcane di serûberê xoser de Fransaye de dar visnenî û armancê înan mîyanê ra vetişî îradeyake bi hêz a.
Aslan destnîşan kerd ke biryarê di Fransaye de viraştişê mîhrîcane ra pey bi xebatkarê TEV-ÇAND û pêrabestişê meclîsê yew komîteya tertîpî saz kerdî û çarçiweya xebatê xo heme Navenda Komeleyê Demokratîk reyde pêvînayişan viraştî û peynî zî lazimeya mîhrîcane ser biryaran girewtî û bernameyê înan nika net o.
Averberdişê kulturî
Aslan wina vat: “Nika afîşê ma pêroyina Fransaye de elaqnayayo. Ma mîhrîcane tena musabaqayan reyde sînor nêkerd, di mîyanê yew hewteye de di warê huner û kulturî de panel, nawnayiş, meş û şahîyan bêro viraştiş û ma wazenê kultur û hunerî kurdan ewropayijan ra bidê şinasdayişî. Armancê ma di musabaqayan de nêbaş û rind mîyanê ra vetiş nîyo, armancê mîhrîcane ra qezenckerdişî serûber o. Çil heyfo ke hema kurdan zengînîya kultur û hunerî xo ra nêaqilyayî. Xebatê ma burokratîk nîyo, çimkî ma zanenî di binê kontrola burokrasî û dewlete de kultur û huner aver nêşona. Eke binê kontrola burokrasîyê kultur û huner aver şîro tena zereyê ci vila bibo.”
Selma AKKAYA/ PARİS