Di Rojawane de Akademîya Zanistê Komeleye her çarçiweyî de sifteyinan şuxulnena, taybetê warê perwerde ezmûn û têkilîyê mamoste û wendekarî de newe yew form yena xelqkerdiş. Di hûmarî mamosteyan de zî kotaya zayendî yena şuxulnayiş û di mîyanê wendekaran de zî hûmarî cenîyan zaf o.
Endamê heyeta Akademîya Zanistê Komeleye Hasan Adnan seba sazbîyîşê akademîyê qise kerd. Adnan vat ke ê bi şîara modela komeleya neweye 4 serrê verî xebatê xo ra destpê kerdî û wina vat: “Nika di Rojawane de heme warê de xebatê înşayî yena averberdiş. Komele xobixo newe ra xelq kena, dema ke ma destpê xebatê kerd, ma dî ke di komeleye de yew vilayey est a, armancê ma sifteyin bi îlmî cayê nê vilayî barkerdiş o. Ma raştîyê şarê bindestî mîyanê ra vejîyayiş rê îlîm reyde xebatê xo averberî. Di Rojhîlatê Mîyanê de pergala statokuyî de di warê akademîyê de vilyayê cidî est î, no ser zî ganîyo ke xelkerdiş rê ma bi zanistî xebatê xo aver berî. Ma verba na pergala nijadperest, pergalake alternatîf înşa kenî. Di pergala ma de wendakaran beşdarwaneke bi aktîf, zeypêyê, hêzê cenî û rola bedilnakar î.”
Edetîya îlmî zengîn a
Endamê heyeta Akademîya Zanistê Komeleye Adnan aşkera kerd ke belkî karê înan zehmet zî bibo la omidê înan est o la îmkanî înan zaf çin o, ê zanenî ke di Rojhîlatê Mîyanê de zaf hêzdar yew edetîya zanistî est a û wina dewam kerd: “Ma wazenê no hêzê mîyanê ra bivejnî. Armancê ma pêroyina Rojhîlatê Mîyanê ra na pergala xo pêşkêş kerdişo. Ma zî zanene ke ganîyo ke ma zaf têkoşîn bidî. Hetanê nika ma xebatê xo sifteyinî bi, êdî ma pergala xo ser tecrûbeyan înşa bikerî.”
Mamosteya Akademîye Medya Doz zî dîyar kerd pergala perwerdeyî yê înan de qet edetîya ezberî çin a, çimkî ê nêwazenî wendekaran ezber bikerî û çimkî ê wazenî cewherî bikerî û wina vat: “Ma nêwazenî mantixê ezber bişuxulnî, çimkî armancê pergala statoku merdiman ra rayîrê bi lezî qezenckerdişê mojnena, ma nirxê şarî pergala xo ra biresnî. Tevgera Azad di taybetîya xo de îlmê komeleye ser vindena, no ser zî rola cenî zaf muhîm a. Do îlmê komele senî xo înşa bikero, ma taybetî ser no perse vindenî. Îlmê komele est o û ma zî înkar nêkenî. Di mîyanê xo de kêmasîyê îlmî est î. Rayverê Şarê Kurd Abdullah Ocalan jîneolojîyê zey kralîçeyê îlmî nişan dano.”
Mamosteyê jîneolojîyê Dorşîn Aktîf destnîşan kerd ke komeleyeke newe, xelqkerdişê cuyayişê ser xebityenî, no ser a verba pergala ezmûnî ya û no ser zî newe yew pergal înşa kerdî û wazenê na pergal vila bibo.
RAKEL ASÎMAN- ŞEVÎN ŞERVAN
JINHA / QAMIŞLO