Ama mûsyayiş ke Wezareta Perwerdeheya Mîllî ya tirkan dibistanêy kampa ke bin kontrola El Nusrayî ya qeza Reyhanlî de ameyo viraştene. Wezaret bin nameyê ‘mudirên kordînator’ de mudiran tayinê nêy dibistanan kerdêy. Goreya ke vajîyeno nêy dibistanîy bin kontroal komeley ke ardimêy DAIŞ û El Nusrayî kenêy de yo û înan viraştêy û armanca înan o yo ke çeteyan bieşrawêy şer bikerêy ra xebatê xo dewam bikêy.
Çetey do hewna rehet bibêy
Verpersîyarê Egitim Sen ya Reyhanli Yunus Dolgun mijarî ser de qise kerd û ard ziwan ke bi no hawayî çetey do hewna rehet hereket bikerêy û endamê xo bizafnêy û wina dewam kerd: “Çîyê ke eyseno dibistanêy ke bin banê komeley ke nezdîyê çeteyan hereket kenêy ra Tirkîya mudiran tayîn kerdo. No ardima çeteyan ya bi fermî yo. Nêy dibistanîy bin kontrola çetayn de Reyhanlî de ameyê bicakerdiş. Siba çetey do hewna rehet hereket bikerêy. Hetê bînî de semedo ke dewlete wazeno ney bibistanan bigo bin kontrola xo ke polîtîka Sûrîyeyî de hewna rehet hereket bikero yo.”
‘Dewlete çeteyan weye kena'
Dolgunî bal ant kampake bin banê dewletî de ya û ard vîr ke dewlete bi hawayê akerde destek dana çeteyan û wina dewam kerd: “Kampên ke semedê sûrîyeyijan ameyo amedekerdiş bi temamî na gam bin kontrola çeteyê El Nusrayî de yê. Dewletî bi no hawayî bi zaneyî kerd û na gam bîyo cayê perwerdeheya çetayan.”
Pey ra Olgunî dergey da qisey xo û bala xo ant hadreyeya Efrînî ser: “Gelo nêy mudirêy kordînatorî ra ameyê şirawitiş semedê herêma Efrînî ra herîş bikerêy ameyê tayînkerdiş? Eyseno ke bi hawayê fermî dewleta Tirkîya bi fermî hetkarî dana çeteyan.”
‘Herîşa Efrînî ra hadretî'
Dolgunu hişyarîyeke muhîm da û ard vîr ke beno ke nêy dibistanan ser de herîşeke Efrînî ser de bibo û wina dewam kerd: “Pey Reyhanli de Efrîn esto. Hêzên YPGî û çeteyan ewnîyenê jûbînan de vinderteyê. Eger herîşeke Efrînî ra bibo se hinî eyseno ke çeteyê tîya ra do herîş bibo û şereke dijwar do biqewimîyo.”
HATAY-DÎHA