Komele de hetê xebatê hûnerî xebatê hilberîna Tov-Ekotopya yena kerdişî. Komela bi hembarîya Meclîs Ekolojî yê Êlih reyde zî xebatê ekolojîyê kena.
Hewna na komela xelisyayişê Kobanê ya destê çeteyan ra pey seba Ekolojîk yew Kobanê bi şîara ‘Yew xeyalê caardişê’ Platforma Newe ra Înşaya Kobanê de ca girewta. Hemsereka Komeleya Ekolojîk a Bûka Baranê Ayşegul Akyuz xebatê komeleyê ser agahî da.
Akyuz ciresna ke ê wazenê têkilîyê tahakkum ra bixelisê û ê wazenê heskerdoxê xo reyde cuyayişeke bi hembarî de saz bikerî û wina vat: “Ez seba ke tewir bi tewir dewe û koyanê Kurdistan de cuyaya no ser zî newe xozaya Kurdistanê kifş kerda. Ez Amed de ameya dinya û Amed de pîl bîya. Taybetê xozaya Kurdistan de cuyayiş ra pey, xoza reyde têkilîyê min xurt bî. Ez newe ra awe û axê şinasnaya. Peynî bi embazê xo dest pê xebatê ekolojîk kerda.”
Cuyayişê ekolojîk
Akyuz îzeh kerd ke dinya de heme ganîyê ekolojî reyde têkildarî, her ke şona kapîtalîzm dinya çin kena û dijî kapîtalîzm zî encax bi rayîrê xebatê ekolojîk de verpers bêro dayişî, seba ameyoxê merdimatîyê tena çare ekolojî yo, no ser zî zey Rayverê Şarê Kurd Abdullah Ocalan û Murray Bookchînî fîlozofê vanê dijî kapîtalîzmî têkoşîn bidê û komeleya ekolojîk saz bikerî.